ولأول مرة هضع صورة رابعة بس مش علشان صورة نصر لانى اللى مقتنعة بيه ان صورة النصر بالسبابة والوسطى بس تعبيراً على اللى جوايا من المووضوع اللى بقوله وفى نفس الوقت عن انى حاسة انى فى ظلم واقع
انا مش إخوانية ولا مع الإخوان
ولا برضه مع اللى بيحصل من الجيش والشرطة
فانا لا مع دول ولا مع دولا انا مع الحق واللى مع الحق انا معاه
لازم الجميع يعرفوا ان دم المسلم على المسلم حرام
ولازم ايضاً يعلموا ان عصر البيادة والتقيد وعدم الحرية انتهى ومش هيرجع ومش هنسمح بيه انه يرجع .
الجيش المصرى والقوات المسلحة من رجالها الشرفاء على رؤسنا
فبصراحة انا رأى واللى شايفاه ان مرسى معملش شئ عشان يتحاكم ده مبارك اللى بقاله سنين بوظ فى البلد وعمل وسوى فى البلد لسه لغاية الآن متحاكمش ولا اتعمل شئ
مرسى كشخص انسان طيب وراجل على نيته وبيحب الخير بس للاسف مكنش عنده سياسة قوية هى دى كانت المشكلة عنده
لكن لازم الكل يعرف ان الإثنين غلطت فى التكفير اللى بيحصل على الجيش او من الإخوان على غير الإخوان
فالقتل اللى بيحصل من الإخوان او من الجيش او من الشرطه مينفعش
فده رأى والإختلاف فى الرأى لا يفسد فى الود قضية ...
لازم نكون واحد ونكون كلنا قلبنا ومصلحتنا بجد على بلدنا ...
الجيش ورجال الشرطة الشرفاء واللى عارفين ربنا على رأسنا
والإخوان ومهما كانت أختلافتنا معاهم بس هما مسلمين وليهم حق لما يكون ليهم حق برضه على رأسنا ..
كفايا بجد ظلم الكلام ده للإثننين سواء للإخوان او لرجال الشرطة والقوات المسلحة بقولهم ده
بقول للإخوان لو فى كدب او ظلم كفايا ولو فى فعلاً بيحصل منكم تخربيب او تكسير او تدمير دى مش الجدعنة ولا كده تبقوا بتحبوا مصر ولا القتل هيرجع حق ولا شئ فلو ليكم حق احنا معاكم
ونفس الكلام بردده لرجال الشرطة والقوات المسلحة المحترمين الشرفاء اللى بيحبوا فعلاً بلدهم وشعب مصر
أنا مش بدافع لجماعة لانى مش من الجماعة
ومش بدافع لجيش لانى مش من الجيش ولا فيه
لكن بدافع لحق ولعدل ربنا اللى المفروض يمشى على الإثنين
ولو شايفين حد غلطت مينفعش نظلمه فالدكتور محمد مرسى بوجهة نظرى وبكل مايحدث لم يفعل شئ لكى يتحاكم
فالناس اللى بتخرب وتكسر فى البلد وبتنزل سواء متسلطه متأجره واخذه فلوس مش واخذه من الإخوان مش من اياً كان مين
لازم تلم الدور شوى ولازم يتعرفوا مين ويتمسكوا ودولا اللى يستاهلوا يتحاكموا
لو فى حد فعل شئ وبحق ربنا اياً كان مين هو يتحاكم ويأخذ عقابه
بس الإستعباد والظلم والقهر والبيادة وناخذ على قفانا وبالحذاء ووووو وعذراً على كلامى بجد بس ده اللى كان بيحصل وأكثر فاللى كان بيحصل ده مش هنسمح بيه أبداً تانى .